مجھے پاکستانی کرکٹ ٹیم سے بہت پیار ہے-اداکارہ میرا

دبئی(امت نیوز)ایشیا کپ میں پاک بھارت میچ پر پاکستانی اداکارہ میرا کا کہنا ہے کہ مجھے پاکستانی کرکٹ ٹیم سے بہت پیار ہے۔خواہش ہے کہ ہر میچ میں کامیابی ملے، حسن علی کا اسٹائل مجھے بہت پسند ہے انہوں نے اپنے جوش کا اظہار کرتے ہوئے پاکستانی ٹیم کے لیے ایک ویڈیو پیغام ریکارڈ کروادیامیرا نے یہ ویڈیو اپنے ٹوئٹر اکانٹ پر شیئر کی، جس میں انہوں نے پاکستانی ٹیم کے کپتان سرفراز احمد، کھلاڑی فخر زمان اور محمد عامر کا خاص طور پر نام لیا۔میرا کا اس ویڈیو میں کہنا تھا کہ میں پاکستانی کرکٹ ٹیم کے لیے دعاگو ہوں، میری ٹیم بہت اچھی اور پرجوش ہے، تمام پاکستانی کھلاڑیوں کے ساتھ میری نیک تمنائیں ہیں۔یاد رہے کہ ایسا پہلی بار نہیں ہوا جب اداکارہ میرا نے پاکستانی ٹیم کے لیے ایسا پیغام دیا ہو۔2016میں آئی سی سی ورلڈ ٹی 20چیمپین شپ کے دوران میرا نےکپتان شاہد آفریدی کو بھی مشورہ دیا تھا کہ وہ حریف ٹیموں سے دبنے کے بجائے ان پر دبا ڈالنے کی کوشش کریں۔