مولانا مودودی کی فکر و خدمات پر خصوصی اجتماع 30ستمبر کو گلشن اقبال میں ہوگا

کراچی (اسٹاف رپورٹر) ماہ ستمبر عظیم مفکر و داعی اسلامی انقلاب مولانا مودودیؒ کی پیدائش اور وفات کا مہینہ ہے، انہوں نے 26اگست 1941 کو جماعت کی بنیاد رکھی تھی۔ ان حوالوں اور مناسبت سے جماعت اسلامی کراچی کے زیراہتمام اتوار 30ستمبر کو حکیم سعید گرائونڈ گلشن اقبال میں ایک خصوصی اجتماع عام منعقد کیا جارہا ہے، جس کی صدارت سید منور حسن کریں گے۔ اجتماع سے حافظ محمد ادریس، ڈاکٹر انیس، عبدالغفار عزیز، شاہ نواز فاروقی اور دیگر خطاب کریں گے۔