رینجرز -پولیس کے ہاتھوں منشیات فروشوں-اسٹریٹ کرمنلز سمیت 18گرفتار

کراچی(اسٹاف رپورٹر) رینجرز اور پولیس نےمختلف علاقوں سےمنشیات فروشوں اسٹریٹ کرمنلز سمیت 18 ملزمان گرفتار کرکے اسلحہ، منشیات اور مسروقہ سامان برآمد کرلیا۔ تفصیلات کے مطابق رینجرز نے گڈاپ سے اسٹریٹ کرائم اور ڈکیتی میں ملوث عبدالشکور اورنعیم کو گرفتار کر کے اسلحہ و دیگر سامان برآمد کرلیابعد ازاں انہیں پولیس کے حوالے کردیا گیا ۔ عوامی کالونی کورنگی میں لوٹ مار کر کے فرار ہونے والے ڈاکو کو شہریوں نے قابو کرکےٹھکائی کردی بداور اس کی موٹر سائیکل کو آگ لگا دی، تاہم پولیس نے ملزم حماد کوچھڑ اکر تھانے منتقل کردیا۔ جیکسن پولیس نےمنشیات فروش عمر حیات اور اسٹریٹ کرمنل ضمیر زادہ کو گرفتار کر کے اسلحہ اورمنشیات برآمد کرلی۔ سائٹ اےاور مومن آباد پولیس نے واحد، سہاگ ،نوید کاشف ،شعیب اور تاج محمد کو گرفتار کر کے اسلحہ اور منشیات برآمد کرلی۔ لیاقت آبادسے 5ملزمان کلیم خان، طاہر علی ، محمد رفیق، محمد سعید اور بلال اسلام کو گرفتارکرکے 2 کلو چرس اور2 موٹرسائیکلیں برآمد کرلیں ۔ سرجانی میں کومبنگ آپریشن کے دوران دو ملزمان رضوان اور عاطف کو گرفتارکرکے اسلحہ اور منشیات برآمد کرلی۔