بھارتی ریاست منی پور میں دیسی ساختہ بم کا دھماکہ-7زخمی

نئی دہلی(امت نیوز) بھارتی ریاست منی پور میں بم دھماکے کے نتیجے میں 7افراد زخمی ہوگئے۔ واقعہ امفال شہر کے بازار میں پیش آیا، جہاں دیہاڑی دار مزدور معمول کے مطابق روز گار کی تلاش میں بیٹھے تھے کہ اچانک قریب ہی نصب بارودی مواد زور دار دھماکے سے پھٹ گیا۔ دھماکے کے فوری بعد سیکورٹی فورسز اور امدادی ٹیمیں موقع پر پہنچ گئیں، جنہوں نے علاقے کو گھیر کر زخمیوں کو مقامی اسپتال منتقل کر دیا۔ پولیس نے نامعلوم افراد کیخلاف مقدمہ درج کر کے تفتیش شروع کردی ہے-