سمن آبادمیں نجی بینک ملازمین کیخلاف اغواکا مقدمہ۔5گرفتار

کراچی (اسٹاف رپورٹر) سمن آباد میں نجی بینک کے ملازمین پراغوا کا مقدمہ درج کر کے 5 ملازمین کو گرفتار کرلیا گیا۔ تفصیلات کے مطابق سمن آباد کے علاقے میں واقع نجی بینک میں موجود ارشد گل نے موبائل فون سے رینجرز ہیلپ لائن پر اطلاع دی کہ اسے اغوا کرلیا گیا ہے جس پر رینجرز اور پولیس نے کارروائی کرکے بینک سے ارشد گل کو بازیاب کرایا۔بینک انتظامیہ کے مطابق ارشد گل نے بینک سے قرضہ لیا ہے جو ادا نہیں کر رہا جس پر اسے بلایا گیا تھا اور کمرے میں بٹھایا گیا تھا ۔پولیس کے مطابق مقدمہ درج کرکے 5بینک ملازمین کو گرفتار کرلیا گیا ہے۔