سانگھڑ- لاڑکانہ میں 15 جرائم پیشہ گرفتار- شکار پور سے 5 افراد اغوا

شکار پور/ سانگھڑ/ لاڑکانہ (نمائندگان) سانگھڑ اور لاڑکانہ سے 15 جرائم پیشہ گرفتار کر لئے گئے۔ جبکہ شکار پور میں بیوپاری کو اسکے ساتھیوں سمیت اغوا کر لیا گیا۔ تفصیلات کے مطابق 2 روز قبل یوسی چیئرمین رند واہ جیکب آباد بیوپاری امان اللہ خان سمیت 5 افراد علاالدین پٹھان، لال محمدپٹھان، امیر حمزہ پٹھان اور صالح محمد پٹھان بیوپار کے سلسلے میں وائٹ پراڈو نمبر 6563 میں سکھر سے لاڑکانہ جارہے تھے کہ شکارپور اورلاڑکانہ کی حدود میں انہیں اغوا کر لیا گیا، جن سے رابطہ نہیں ہورہا ، ان کے موبائل فون مسلسل بند مل رہے ہیں۔ غائب ہونے والے جیکب آباد، سکھر اور بلوچستان کے شہر کوئٹہ کے رہائشی ہیں۔