طلائی بالیاں نوچ کر گھوٹکی میں معمر خاتون قتل کر دی گئی
گھوٹکی (نمائندہ امت) طلائی بالیاں نوچ کر گھوٹکی میں معمر خاتون کو قتل کر دیا گیا۔ بھٹی محلے میں تھانے کے قریب واقعہ پیش آنے کے باوجود پولیس کوئی ملزم گرفتار نہ کر سکی۔ تفصیلات کے مطابق گھوٹکی کے اے سیکشن تھانہ کی حدود بھٹی محلے میں رات گئے نامعلوم ملزمان سلطان بھٹی کے گھر میں لوٹ مار کے ارادے سے داخل ہوئے ۔بعد ازاں ملزمان نے مبینہ طور پر معمر خاتون حاجانی بھٹی کو تشدد کرنے کے بعد کانوں سے سونے کی بالیاں اتار کر گلا دبا کر قتل کر دیا ۔
