ڈاؤ یونیورسٹی میں ’’کھٹی میٹھی باتیں‘‘ کے عنوان سے سیشن

کراچی(بزنس رپورٹر)معروف ادارکارہ اور ماڈل بشریٰ انصاری نے کہا ہے کہ آپ کو اپنی پسند کا کام مل جائے تو کامیابی کی ضمانت مل جاتی ہے۔ہمیشہ اپنی سوچ اونچی رکھنی چاہیے۔طبی تعلیم کے ساتھ ساتھ دوسرے پسندیدہ مشغلوں میں دلچسپی ضروری ہے۔یہ باتیں انہوں نے ڈاؤ یونیورسٹی میں ’’کھٹی میٹھی باتیں‘‘ کے عنوان سے منعقدہ سیشن میں کہیں۔ پرنسپل ڈاؤ میڈیکل کالج پروفیسرڈاکٹر کرتار ڈوانی، معروف اداکار ارشد محمود اور طلبہ بھی موجود تھے۔آخر میں پروفیسر ڈاکٹر کرتارڈوانی نے اظہار تشکر کیا۔