انٹر اسکول ایج گروپ سوئمنگ چمپئن شپ کل ہوگی
اسلام آباد(امت نیوز) پنجاب سپورٹس بورڈ کے زیر اہتمام اور پنجاب سوئمنگ ایسوسی ایشن کے زیراہتمام انٹر سکول ایج گروپ سوئمنگ چمپئن شپ (کل) ہفتہ کو پنجاب انٹرنیشنل سوئمنگ کمپلیکس لاہور میںہو گی ، پنجاب سپورٹس بورڈ کے ڈائریکٹر سپورٹس حفیظ بھٹی نے بتایا کہ یہ چیمپئن شپ پنجاب سپورٹس بورڈ کے ڈائریکٹر جنرل کی ہدایت پر منعقد کروایا جا رہا ہے اور چیمپئن شپ کے تمام انتظامات مکمل کر لئے گئے ہیں ،چمپئن شپ میںسکولوں کے طلبہ وطالبات حصہ لیں گے ، چمپئن شپ میںحصہ لینے کیلئے رجسٹریشن 28ستمبر کو پنجاب انٹرنیشنل سوئمنگ کمپلیکس میں کرائی جا سکتی ہے
