سری لنکا کا انگلینڈ کیخلاف ٹیسٹ سیریز کیلئے اسکواڈ کا اعلان

کولمبو (امت نیوز)سری لنکا نے انگلینڈ کے خلاف شیڈول ہوم ٹیسٹ سیریز کیلئے سکواڈ کا اعلان کر دیا، انگلش بلے بازوں کو سپن جال میں پھنسانے کیلئے 5 سپنرز کو ٹیم میں شامل کیا گیا ہے، کوشل سلوا اور ملینڈا پشپاکمارا کی دوبارہ ٹیم میں واپسی ہوئی ہے، اینجلو میتھیوز ٹیسٹ سکواڈ میں جگہ بنانے میں کامیاب رہے، سری لنکا کرکٹ نے ایشیا کپ میں ٹیم کی مایوس کن کارکردگی کے بعد میتھیوز کو ون ڈے ٹیم کی قیادت سے فارغ کرنے کے ساتھ ساتھ انہیں انگلینڈ کے خلاف شیڈول ایک روزہ سیریز کیلئے اعلان کردہ سکواڈ سے بھی باہر کر دیا تھا۔سری لنکا اور انگلینڈ کے درمیان تین ٹیسٹ میچوں پر مشتمل سیریز کا آغاز 6 نومبر کو پہلے ٹیسٹ سے ہو گا۔