گلشن اقبال میں پولیس اہلکار کی تشدد زدہ لاش برآمد

کراچی(اسٹاف رپورٹر) عزیز بھٹی تھانے کی حدود گلشن اقبال بلاک 16بیت المکرم مسجد کے قریب واقع حسن اپارٹمنٹ کے بیت الخلاءسے 47 سالہ پولیس اہلکار رسول بخش ولد گل حسن کی تشدد زدہ لاش ملی، فلیٹ کے رہائشیوں نے بیت الخلا میں لاش دیکھ کر فوری پولیس کو اطلاع دی۔ پولیس نے موقع پر پہنچ کر لاش کو تحویل میں لے کر کارروائی کے لئے جناح اسپتال منتقل کیا، ایم ایل او کے مطابق مقتول کے سر پر چوٹ کا نشان ہے، پولیس کا کہنا ہے کہ مقتول سینٹرل جیل میں تعینات اور جیل کوارٹر میں رہائش پذیر تھا، جبکہ مقتول مذکورہ اپارٹمنٹ میں مقیم پولیس افسر اشفاق کے گھر پارٹ ٹائم ڈرائیوری کرتا تھا۔