اے پی این ایس کی ریحان مرچنٹ سے والد کے انتقال پر تعزیت

کراچی (پ ر) آل پاکستان نیوز پیپرز سوسائٹی کے سیکریٹری جنرل سرمد علی نے عہدیداران اور ایگزیکٹو کمیٹی کی جانب سے میسرز برین چائلڈ کمیونی کیشن پاکستان (پرائیویٹ) لمیٹڈ کے چیف ایگزیکٹو آفیسر ریحان مرچنٹ کے والد غلام علی مرچنٹ کے انتقال پرملال پر تعزیت کا اظہار کیا ہے۔ اے پی این ایس نے مرحوم کی مغفرت کیلئے دعا کی ہے کہ اللہ تعالیٰ انہیں جوار رحمت میں جگہ عطا فرمائے اور سوگوار خاندان کو سانحہ پر صبر جمیل عطا فرمائے۔ اے پی این ایس کے اراکین مرحوم کے اہلخانہ کے دکھ میں برابر کے شریک ہیں۔