اطالوی صحافیوں کے وفد کا جامعہ کراچی کا دورہ

کراچی(اسٹاف رپورٹر)اطالوی صحافیوں کے وفد نے گذشتہ روز جامعہ کراچی کے وائس چانسلر پروفیسر ڈاکٹر محمد اجمل خان سے ان کے دفتر میں ملاقات کی اور پاکستان اور بالخصوص جامعہ کراچی میں ہونے والی تحقیقی اور تدریسی سرگرمیوں کے حوالے سے تفصیلی بات چیت کی اور فیکلٹی ایکسچینج پروگرام اور ثقافتی تبادلے کے حوالے سے اظہار خیال کیا۔جس پر ڈاکٹر اجمل خان نے جامعہ کراچی میں ہونے والی تحقیقی اور تدریسی سرگرمیوں سے انہیں آگاہ کیا اورجامعہ کراچی کو مزید بہتری کی جانب گامزن اور تحقیقی اور تدریسی سرگرمیوں کو مزید بہتر سے بہتر کرنے کے لئے ان کی جانب سے کئے جانے والے اقدامات کے بارے میں تفصیلات فراہم کیں۔