پاکستانی کھلاڑی آج یواے ای میں اکٹھے ہونگے

دبئی(امت نیوز) آسٹریلیا سے ٹیسٹ سیریز کیلئے پاکستانی کھلاڑی (آج)اتوار کو یواے ای میں اکٹھے ہونگے۔ تفصیلات کے مطابق پاکستان اور آسٹریلیا کے مابین ٹیسٹ سیریز 7 اکتوبر کو شروع ہوگی،ایشیا کپ میں شرکت کرنیوالے ون ڈے اسپیشلسٹ شعیب ملک،آصف علی، محمد عامر،جنید خان،محمد نواز، شاہین شاہ آفریدی اور عثمان شنواری کو ریلیز کردیا گیا۔کپتان سرفراز احمد، فخر زمان، امام الحق، بابر اعظم، حارث سہیل،شاداب خان، حسن علی اور فہیم اشرف کینگروز سے ٹیسٹ سیریز کیلئے دبئی میں ہی موجود ہیں،شان مسعود کو ٹور میچ کھیلنے والی ’’اے‘‘ ٹیم میں شمولیت کیلئے روک لیا گیا،اوپنر ایشیا کپ میں ایک میچ بھی نہیں کھیل پائے تھے۔اسد شفیق،عثمان صلاح الدین، وہاب ریاض اور وکٹ کیپر محمد رضوان بھی ’’اے‘‘ ٹیم میں شامل ہونے کی وجہ سے دبئی میں ہیں۔