معمر شخص-نوجوان سمیت3 افراد گاڑیوں کی زد میں آکر جاں بحق

کراچی(اسٹاف رپورٹر) بلدیہ، سپر ہائی وے اور لانڈھی میں معمر شخص اور نوجوان سمیت3 افراد تیز رفتار گاڑیوں کی زد میں آکر جان سے ہاتھ دھو بیٹھے۔ تفصیلات کے مطابق سعید آباد کے علاقے بلدیہ نمبر 9کباڑی چوک کے قریب سڑک عبور کرنے والا 71سالہ گلاب خان ولد لعل دین نامعلوم گاڑی کی زد میں آکر جاں بحق ہو گیا۔ پولیس نے بتایا کہ متوفی اسی علاقے کا رہائشی تھا۔ سائٹ سپر ہائی وے کے علاقے براق پمپ کے قریب نامعلوم گاڑی کی زد میں آکر گڈاپ کا رہائشی40سالہ عبدالعلیم ولد عبدالحکیم جاں بحق ہو گیا۔ لانڈھی کے علاقے مرتضیٰ چورنگی کے قریب حادثے میں 26سالہ اسامہ شدید زخمی ہو گیا، جسے جناح اسپتال منتقل کیا گیا، جہاں اس نے دوران علاج دم توڑ دیا۔