مختلف علاقوں میں خونی گاڑیوں نے 4افراد کی جان لے لی

کراچی(اسٹاف رپورٹر) مختلف علاقوں میں خونی گاڑیوں نے 4 افراد کی جان لے لی ۔ تفصیلات کے مطابق ناظم آباد نمبر 2 انڈر بائی پاس کے قریب گاڑی کی ٹکر سے 22 سالہ جیکب ہلاک ہوگیا جس کی لاش ورثا بغیر کسی کارروائی کےاپنے ہمراہ لے گئے۔ متوفی ناظم آباد کا رہائشی تھا۔ شارع فیصل پر ایف ٹی سی بلڈنگ کے قریب موٹر سائیکل سوار نوجوان آگسٹن ہلاک ہو گیا متوفی لائنز ایریا کا رہائشی تھا۔ مسرور بیس کے قریب گاڑی کی زد میں آکرخان محمد جاں بحق ہو گیا متوفی ڈیرہ اسماعیل خان کا رہائشی تھا۔ نیشنل اسٹیڈیم کے قریب حادثے میں22سالہ ریحان شدید زخمی ہو گیا جسے جناح اسپتال منتقل کیا گیا جہاں وہ زخموں کی تاب نہ لاتے ہو ئے دم توڑ گیا۔