مومن آباد سے مہاجر مومنٹ کا ٹارگٹ کلر پکڑا گیا

کراچی(اسٹاف رپورٹر) سی ٹی ڈی پولیس نے خفیہ اطلاع پر مومن آباد کے علاقے میں کارروائی کرتے ہوئے قتل کی وارداتوں میں ملوث مہاجر قومی موومنٹ حقیقی کے ٹارگٹ کلر کو گرفتار کرکے اسلحہ برآمد کرلیا۔کارراوئی پر آئی جی سندھ نے ڈی آئی جی سی ٹی ڈی اور ان کی ٹیم کو شاباش دی ہے۔ تفصیلات کے مطابق کاؤنٹر ٹیررازم ڈپارٹمنٹ (سی ٹی ڈی) پولیس نے خفیہ اطلاع پر مومن آباد کے علاقے میں کارروائی کرتے ہوئے مہاجر قومی موومنٹ حقیقی کے ٹارگٹ کلر رفیق بنگالی کو گرفتار کرکے اسلحہ برآمد کرلیا، ڈی آئی جی سی ٹی ڈی عبداللہ شیخ کے مطابق گرفتار ٹارگٹ کلر رفیق بنگالی کا تعلق مہاجر قومی موومنٹ حقیقی سے ہے، ڈی آئی جی سی ٹی ڈی کا مزید کہنا تھا کہ گرفتار ملزم کے خلاف مومن آباد تھانے میں قتل کے دو مقدمات 154/2011 اور 357/2013 درج ہیں، جبکہ ملزم متعدد جرائم کی وارداتوں میں بھی ملوث ہے، تاہم سی ٹی ڈی پولیس نے ملزم کے قبضے سے اسلحہ برآمد کرکے ملزم سے مزید تفتیش شروع کردی ہے۔ آئی جی سندھ کلیم امام نے متعدد کرائم کی وارداتوں میں ملوث ٹارگٹ کلر کی گرفتاری پر ڈی آئی جی سی ٹی ڈی اور انکی ٹیم کی کارکردگی کو سراہتے ہوئے شاباش دی ہے۔