قائد اعظم ٹرافی فور ڈے کرکٹ ٹورنامنٹ

راولپنڈی(امت نیوز) قائد اعظم ٹرافی فور ڈے کرکٹ ٹورنامنٹ کے پانچویں مرحلے کا آغاز3 اکتوبر سے ہوگا۔ پی سی بی کی طرف سے جاری کردہ تفصیلات کے مطابق پانچویں مرحلے میں ملک بھر کے مختلف گرائونڈز میں آٹھ میچ شروع ہوں گے۔ پول اے میں فاٹا اور اسلام آباد ریجن کی ٹیمیں ڈائمنڈ گرائونڈ، اسلام آباد میں مدمقابل ہوں گی۔ راولپنڈی اور کراچی ریجنز کے درمیان میچ نیشنل سٹیڈیم، کراچی میں کھیلا جائے گا۔ لاہور ریجن وائٹس اور پشاور ریجن کی ٹیمیں قذافی سٹیڈیم، لاہور میں مدمقابل ہوں گی۔ حبیب بنک اور خان ریسرچ لیبارٹریز (کے آر ایل) کے مابین میچ کے آر ایل سٹیڈیم، راولپنڈی میں کھیلا جائے گا۔