جاپان اوپن ٹینس پری کوارٹر فائنل مرحلے میں داخل

ٹوکیو(امت نیوز)کائی نیشکوری، میلوس رائونک اور مارٹن کلیزن فاتحانہ آغاز کرتے ہوئے جاپان اوپن ٹینس ٹورنامنٹ مینز سنگلز پری کوارٹر فائنل میں پہنچ گئے۔جاپان میں جاری ایونٹ میں گزشتہ روز کھیلے گئے مینز سنگلز پہلے رائونڈ میچ میں میزبان ملک کے کھلاڑی نیشکوری نے عمدہ کارکردگی کا مظاہرہ کرتے ہوئے ہم وطن کھلاڑی یوچی سگیتا کو 6-4 اور 6-1 سے ہرا کر پری کوارٹر فائنل میں جگہ بنائی، کینیڈین کھلاڑی میلوس رائونک بھی پہلا مرحلہ عبور کرنے میں کامیاب رہے، انہوں نے فرانسیسی کھلاڑی ایڈرین منارینو کو شکست فاش سے دوچار کیا۔