سعودی صحافی جمال خشوگی ترکی میں پر اسرارطور پر لاپتہ

انقرہ(مانیٹرنگ ڈیسک)سعودی صحافی جمال خشوگی ترکی میں پراسرار طور پر لاپتہ ہو گئے۔امریکی اخبار واشنگٹن پوسٹ کے دعوے کے مطابق جمال خشوگی استنبول میں سعودی قونصل خانے میں جانے کے بعد آخری اطلاعات تک واپس نہیں آئے۔ اخبار کے مطابق اُن کے ساتھی قونصل خانے کے باہر انتظار کرتے رہے لیکن کوئی اطلاع نہیں ملی۔ جمال خشوگی گزشتہ برس سے خود ساختہ جلاوطنی اختیار کیے ہوئے ہیں۔ امریکی وزارت خارجہ نے بھی اس معاملے کی تفتیش شروع کر دی ہے۔