ماجو اور این آئی بی ڈی کے اشتراک سے خون کے عطیات کا کیمپ

کراچی(بزنس رپورٹر)محمد علی جناح یونیورسٹی کراچی (ماجو) اور این آئی بی ڈی کے اشتراک سے یونیورسٹی کیمپس میں خون کے عطیات جمع کرنے کا کیمپ لگایا گیا، جس میں 50سے زائد طلباء و طالبات نے خون کے عطیات دئیے۔ادارے کی مارکیٹنگ ایگزیکٹو مس منزہ کی زیر سربراہی ٹیم نے طلبہ کے مختلف ٹیسٹ مفت کیے۔فیکلٹی ممبر ڈاکٹر ھما جاوید نے بتایا کہ عطیہ خون کے فوائد بیان کیے۔