برطانیہ سے آئے پیر طیب الرحمن کے اعزاز میں پریس کلب کا استقبالیہ

کراچی(اسٹاف رپورٹر)کراچی پریس کلب کی جانب سےبرمنگھم سے آنے والے نائب صدر اہلسنت برطانیہ اور قادریہ ٹرسٹ کے چیئرمین پیر طیب الرحمن قادری کے اعزاز میں تقریب منعقد کی اور انہیں اجرک بھی پہنائی گئی۔ جوائنٹ سیکرٹری نعمت خان نے خطبہ استقبالیہ دیا اور کہا کہ بیرون ممالک میں پاکستان کا نام روشن کرنے والے پاکستانیوں کے لیے دعاگو ہیں ۔مہمانوں میںصاحبزادہ پیر رضا قادری ، محمد عمیر رضا قادری شامل تھے۔ تقریب میں قاضی محمد یاسر ،اے ایچ خانزادہ ، صدام طفیل ہاشمی ، خلیل ناصر، طارق ابو الحسن ،عظمت علی رحمانی و دیگر نے شرکت کی۔