نیوکراچی-بن قاسم اور بلدیہ میں خونی گاڑیوں نے 3 افراد کچل دیئے
کراچی(اسٹاف رپورٹر) مختلف علاقوں میں گاڑیوں نے 3 افراد کو کچل دیا جبکہ ایک خاتون زخمی ہوگئی۔ تفصیلات کے مطابق نیو کراچی صنعتی ایریا کے علاقے اللہ والی بس اسٹاپ کے قریب ٹریفک حادثے میں 22 سالہ فیاض احمد ولد شفیق احمد جاں بحق ہو گیا۔ پولیس نے بتایا کہ متوفی نیو کراچی کا رہائشی تھا۔ بن قاسم کے علاقے پورٹ قاسم موڑ حسن شاہ درگاہ کے قریب نامعلوم گاڑی کی ٹکر سے موٹر سائیکل سوار40سالہ سانول ولد نور دین جاں بحق اور 35 سالہ حسینہ بی بی زوجہ محمد بخش زخمی ہو گئی۔ بلدیہ یوسف گوٹھ میں نامعلوم گاڑی کی ٹکر سے راہ گیر39 سالہ عبدالرزاق ولد محمد جاں بحق ہوگیا، متوفی بلدیہ کا رہائشی تھا۔
