سال 2019-20 کیلئے نظام الدین ویلفیئر ٹرسٹ کے الیکشن کا انعقاد
کراچی (پ ر) نظام الدین ویلفیئر ٹرسٹ نے مرکزی دفتر واقع رفیع اسٹار میزنائن شارع فیصل میں سال 2019-20 کیلئے الیکشن کا انعقاد کیا، جس میں نظام الدین چیئرمین، وائس چیئر پرسن نازنین، جنرل سیکریٹری انجم النسا، جوائنٹ سیکریٹری سلمان خاں شیروانی، خزانچی محمد اویس کو بلامقابلہ منتخب کرلیا گیا۔ اس موقع پر نظام الدین نے اراکین و عہدیداران سے خطاب میں کہاکہ محدود وسائل کے باوجود ملک کی تعمیر و ترقی میں اپنا کردار ادا کریں گے اور عوام کی فلاح و بہود کے لئے جدو جہد کرتے رہیں گے۔ خدمت عوام ویلفیئر آرگنائزیشن کے بانی زاہد رحیم نے تقریب میں خصوصی شرکت کی۔
