قائد اعظم ٹرافی کا پانچواں مرحلہ آج شروع ہو گا

راولپنڈی(امت نیوز) قائد اعظم ٹرافی ون ڈے کرکٹ ٹورنامنٹ کے پانچویں مرحلے کا آغاز (آج) پیر سے ہو گا۔ پی سی بی کے مطابق ریجنز اور ڈیپارٹمنٹل ٹیموں کے مابین مزید 8 میچوں کا فیصلہ ہوگا۔ پول اے میں نیشنل بنک اور سوئی نادرن گیس پائپ لائنز لمیٹڈ کے مابین میچ اقبال سٹیڈیم، فیصل آباد میں کھیلا جائے گا۔ لاہور ریجن وائٹس اور پشاور کی ٹیمیں قذافی سٹیڈیم، لاہور میں مدمقابل ہوں گی۔ فاٹا اور اسلام آباد کے درمیان میچ ڈائمنڈ گرائونڈ، اسلام آباد میں کھیلا جائے گا۔ حبیب بنک اور کے آر ایل کی ٹیمیں کے آر ایل سٹیڈیم، راولپنڈی میں نبرد آزما ہوں گی۔ پی ٹی وی اور سوئی سدرن گیس کارپوریشن کے درمیان میچ مرغزار کرکٹ گرائونڈ، اسلام آباد میں کھیلا جائے گا