جونئیر ایتھلیٹکس چیمپیئن شپ کی میزبانی اسلام آباد کریگا

اسلام آباد(امت نیوز) پاکستان ایتھلیٹکس فیڈریشن کے زیراہتمام قومی یوتھ و جونئیر ایتھلیٹکس چیمپین شپ 13 اکتوبر سے جناح سٹیڈیم اسلام آباد میں میں شروع ہوگی۔ پاکستان ایتھلیٹکس فیڈریشن کے صدر میجر جنرل (ر) محمد اکرم ساہی نے بتایا کہ چیمپیئن شپ میں ملک بھر سے چودہ ٹیمیں حصہ لیں گی جن میں پاکستان آرمی، پاکستان واپڈا، پاکستان ایئرفورس، پاکستان نیوی، پاکستان ریلوے، ایچ ای سی، پنجاب، سندھ، خیبر پختونخوا، بلوچستان، اسلام آباد، آزاد جموں و کشمیر، فاٹا اور گلگت بلتستان شامل ہیں۔ چیمپیئن شپ میں ملک بھر سے تین سو سے زائد لڑکے اور لڑکیاں شرکت کریں گی۔ چیمپیئن شپ میں جونئیر میں لڑکوں کے 17 اور لڑکیوں کے پندرہ جبکہ یوتھ میں لڑکوں کے سولہ اور لڑکیوں کے چودہ ایونٹ رکھے گئے ہیں۔