دہشت گردی کیلئے چھپایا گیا متحدہ لندن کا اسلحہ برآمد

کراچی(اسٹاف رپورٹر)رینجرز نے انٹیلی جنس معلومات کی بنیاد پرسرجانی ٹائون کے علاقے انار کلی میں واقع ایک خالی مکان سے اسلحہ اور ایمونیشن بر آمد کیا، جو ایم کیوایم (لندن) کے بھتہ خور سلطان موسیٰ کے ساتھیوں نے مکان میں دیواروں کے درمیان چھپایا ہواتھا۔یہ اسلحہ اور ایمونیشن شہر میں دہشت گردی اور بدامنی کے لیے استعمال ہونا تھا۔برآمد اسلحہ میں رپیٹر 12 بور پمپ ایکشن، تھرپل ٹو رائفل بمعہ 2عدد میگزین ، 8 ایم ایم رائفل بمعہ 3عدد میگزین ،3 پستول اور مختلف اقسام کے 269 رائونڈز شامل ہیں۔ترجمان رینجرز نے عوام سے اپیل کی ہے کہ وہ دہشت گردی کی روک تھا م کے لیے قانون نافذ کرنے والے اداروں کا ساتھ دیں۔