کراچی ٹمبر مرچنٹس گروپ کے الیکشن میں سلیمان سومرو پھر صدر منتخب

کراچی(بزنس رپورٹر)کراچی ٹمبر مرچنٹس گروپ کے الیکشن میں تاجروں نے ایک بار پھر سلیمان سومرو کی قیادت پر اعتماد کا اظہار کرتے ہوئے انہیں صدر منتخب کرلیا۔ سلیمان سومرو نے مسلسل تیسری بار اپنے مخالف امیدوار شرجیل گوپلانی کو واضح اکثریت سے شکست دی۔ سلیمان سومرو گزشتہ 20 سال سے ٹمبر مارکیٹ کے صدر ہیں، وہ 17 سال بلامقابلہ صدر منتخب ہوئے اور اب گذشتہ 3 سال سے مد مقابل شرجیل گوپلانی کو واضح شکست دے رہے ہیں۔ انہوں نے مارکیٹ و تاجروں کی ترقی کیلئے مارکیٹ کو لوڈ شیڈنگ فری کرانا، بھتہ مافیا کے سامنے ڈٹے رہنا، دسمبر 2014 میں مارکیٹ کے آگ متاثرین کی بحالی، کسٹم، ایف بی آر و دیگر سرکاری معاملات میں اراکین کیساتھ تعاون اور ڈرائیونگ لائسنس کیمپ کے انعقاد سمیت دیگر مثالی اقدامات کئے ہیں۔