مکران فٹبال چمپئن شپ میں پنجگور اور خاران فائنل راؤنڈ میں داخل

کراچی (امت نیوز) بلوچستان فٹ بال ایسوسی ایشن کے زیر اہتمام ٹپال ٹی اور ٹک بسکٹ کے تعاون سے جاری ”ٹپال اینڈ ٹک مکران فٹ بال چمپئن شپ“ میں ڈی ایف اے پنجگور کی ٹیم مدمقابل پنجگور سٹی کو یکطرفہ مقابلے کے بعد 5-0 سے شکست دے کر فائنل راؤنڈ میں پہنچ گئی۔ دوسرے میچ میں خاران کلب نے پنجگور یونائٹیڈ کو 4-0 سے مات دے کر فائنل راؤنڈ میں جگہ بنالی۔ میچ کے اختتام پر مہمان خصوصی سپورٹس آفیسر پنجگور مقصود احمد اور سماجی رہنماء حاجی خلیل احمد سے کھلاڑیوں کا تعارف کرایا گیا۔ اس موقع پر چمپیئن شپ کے آرگنائزر اسحاق عثمان بلوچ اور چمپیئن شپ انتظامی کمیٹی کے دیگر اراکین بھی موجود تھے۔
٭٭٭٭٭