والی بال چیمپئن شپ میں چھ میچوں کا فیصلہ ہوگیا

اسلام آباد(امت نیوز) فیڈرل بورڈ آف انٹر میڈیٹ اینڈ سیکنڈری ایجوکیشن کے زیراہتمام جاری فیڈرل بورڈ انٹر کالجیٹ بوائز والی بال چیمپئن شپ کے پہلے روز چھ میچوں کا فیصلہ ہوگیا۔ چیمپئن شپ کا افتتاح اسلام آباد کالج فار بوائز جی سکس تھری کے پرنسپل محمد رفیق سندھیلوی نے کیا اس موقع پر ڈائریکٹر سپورٹس چوہدری شوکت علی کے علاوہ شائقین کی کثیر تعداد بھی موجود تھی۔ گذشتہ روز اسلام آباد کالج فار بوائز جی سکس تھری میں کھیلے گئے مقابلوں میں ہائی ٹیک کالج فار بوائز ٹیکسلا نے اسلام آباد ماڈل کالج فار بوائز جبا ٹیلی کو 2-0 سے، اسلام آباد ماڈل کالج فار بوائز ایف ٹین فور نے کے آر ایل ماڈل کالج فار بوائز کہوٹہ کو 2-0 سے، ایجوکیشن سسٹم ٹیکسلا نے اسلام آباد ماڈل کالج فار پوسٹ گریجویٹ ایچ ایٹ کو 2-0 سے، اسلام آباد ماڈل کالج فار بوائز جی سکس تھری نے علامہ اقبال سکول اینڈ کالج کو 2-0 سے، اسلام آباد ماڈل کامرس کالج فار بوائز ایچ ایٹ فور، نے اسلام آباد ماڈل کالج فار بوائز ایچ نائن کو 2-0 سے اور پنجاب کالج آف سائنسز فار بوائز بلیو ایریا نے اسلام آباد ماڈل کالج فار بوائز جبا ٹیلی کو2-0 سے شکست دے کر اگلے راؤنڈ کیلئے کوالیفائی کر لیا ہے۔
٭٭٭٭٭