آباد کا اعلی سطحی وفد برلن۔میڈرڈ میں نمائش میں شرکت کریگا

کراچی(بزنس رپورٹر)ایسوسی ایشن آف بلڈرز اینڈ ڈیولپرز کا اعلی سطحی وفد 9 نومبر کو جرمنی کے شہر برلن میں انٹلانٹک انٹرنیشنل کی 3 روزہ پاکستان انٹرنیشنل پراپرٹی ایکسپو میں شرکت کرے گا۔وفد اسپین کے شہر میڈرڈ میں 16 تا 18 نومبر تک جاری رہنے والی انٹرنیشنل رئیل اسٹیٹ ایکسپو میں بھی شریک ہوگا۔پراپرٹی کے عالمی شوز میں دنیا بھر سے بلڈرز، ڈیولپرز اور رئیل اسٹیٹ سے وابستہ کمپنیاں شرکت کریں گی۔رئیل اسٹیٹ کے ماہرین کا کہنا ہے کہ مذکورہ انٹرنیشنل پراپرٹی ایکسپو سے پاکستان کے تعمیراتی شعبے کو تقویت ملے گی۔ان میں اربوں ڈالرز کے معاہدے ہوسکتے ہیں۔ملک میں غیر ملکی براہ راست سرمایہ کاری سے روزگار کے مواقع اور معیشت کو ترقی ملے گی۔ انٹلانٹک انٹرنیشنل پراپرٹی نمائش کے دوران ایفورڈ ایبل ہاؤسنگ ان پاکستان اینڈ انویسٹمنٹ اپرچیونٹی ان کنسٹرکشن سیکٹر آف پاکستان کے موضوع پر سیمینار بھی ہوگا۔