رکشہ سوار کی فائرنگ سے زخمی ہونیوالا پولیس اہلکار چل بسا

کراچی(اسٹاف رپورٹر)کیماڑی میں رکشہ سوار ملزم کی فائرنگ سے زخمی ہو نے والا پولیس اہلکار جناح اسپتال میں دوران علاج چل بسا۔کیماڑی گلشن سکندر آباد میں 8 اکتو بر کی شب نامعلوم رکشہ سوار ملزم کی فائرنگ سے پولیس اہلکار 30سالہ انور شاہ ولد سعید بادشاہ شدید زخمی ہوگیا تھا۔پولیس نے بتایا کہ زخمی اہلکار 2 روز بعد بدھ کی صبح جناح اسپتال میں دم توڑ گیا ہے۔وہ بوٹ بیسن تھانے میں تعینات اور رکشہ ڈرائیور سے جھگڑا ہوگیا تھا۔ادھر عزیز آباد تھانے میں رائفل صاف کرتے ہوئے اتفاقیہ گولی چلنے سے ہیڈ کانسٹیبل 30 سالہ مشتاق علی ولد عبدالرحمن زخمی ہوگیا۔