گلستان جوہر میں آتشزدگی -درجن سے زائد جھگیاں جل گئیں

کراچی (اسٹاف رپورٹر)گلستان جوہر میں خالی پلاٹ پر قائم جھگیوں میں آگ لگنے سے ایک درجن سے زائد جھگیاں جل گئیں۔ تفصیلات کے مطابق گلستا ن جوہر کے علاقے منور چورنگی سے متصل خالی پلاٹ پر قائم جھگیوں میں جمعے کی سہ پہر اچانک آگ بھڑک اٹھی، جس کی اطلاع پر علاقہ مکینوں نے موقع پر پہنچ کر تمام افراد کو باحفاظت نکال لیا اور پولیس و فائر بریگیڈ کو واقعے کی اطلاع کردی۔ ترجمان نے بتایا کہ آگ کی اطلاع پر 2 گاڑیاں بھیجی گئیں تھیں جنہوں نے ایک گھنٹے کی جدوجہد کے بعد آگ پر قابو پالیا اور آگ لگنے سے ایک درجن سے زائد جھگیاں جل گئیں ،جبکہ آگ لگنے کی وجہ معلوم نہیں ہو سکی ہے۔