بلاول کے میدان میں آنے سے غیرعوامی قوتیں بوکھلا گئیں۔مرتضیٰ وہاب

کراچی(اسٹاف رپورٹر)صوبائی مشیر اطلاعات بیرسٹر مرتضیٰ وہاب نے کہا ہے کہ بلاول زرداری کے میدان میں آنے سے غیر عوامی قوتیں بوکھلاگئی ہیں۔تھر کے معاملے پر صرف منفی پروپیگنڈہ کرنے والے سچ سامنے آنے پر حواس کھوچکے ہیں۔پیپلز پارٹی نے تھر میں سڑکوں کا جال بچھایا۔آر او پلانٹس لگائے۔انہوں نے کہا کہ پی پی نے ملک میں پانی کی طویل ترین پائپ لائن سے صحرائے تھر کی پیاس بجھائی۔تھرکول پروجیکٹ میں مقامی افراد کو ملازمتیں دیں۔پیپلز پارٹی نے بے نظیر بھٹو کے خواب کو پورا کرتے ہوئے تھر سے کوئلہ نکال لیا۔صحرائے تھر میں ایئرپورٹ بھی تعمیر کیا۔علاقے کی رہائشی کرشنا کولہی کو ملک کے اعلی ایوانوں تک پہنچایا۔تھر کے مکینوں نے پی پی کو کامیاب کروا کر جعلی پروپیگنڈہ کرنے والوں کے منہ بند کردئیے۔علاقے میں ایک لاکھ میگا واٹ بجلی اب پورے ملک کو روشن کرے گی۔