سی پی این ای وفد کی نواز شریف سے ملاقات- کلثوم نواز کے انتقال پر تعزیت

لاہور(پ ر) کونسل آف پاکستان نیوزپیپرز ایڈیٹرز(سی پی این ای) کے صدر عارف نظامی کی سربراہی میں ایک وفد نے سابق وزیراعظم میاں نواز شریف سے جاتی امرا میں ملاقات کی۔ انہوں نے سابق خاتون اول بیگم کلثوم نواز کے انتقال پر تعزیت کی۔ سی پی این ای کے وفد نے بیگم کلثوم نواز کے انتقال پر گہرے دکھ کا اظہار کرتے ہوئے جمہوریت کیلئے ان کی قربانیوں کو خراج تحسین پیش کیا گیا۔ وفد میں سی پی این ای کے سابق صدر ضیا شاہد، سابق سیکرٹری جنرل اعجازالحق، نائب صدر ایاز خان،رحمت علی رازی، سینئر اراکین کاظم خاں، ارشاد احمد عارف، ذوالفقار احمد راحت اور شفیق احمد بھی شامل تھے۔