ایشین کرکٹ کونسل کا اجلاس لاہور میں ہوگا

لاہور(امت نیوز)ایشین کرکٹ کونسل کا اجلاس 17 نومبر کو لاہور میں ہوگا‘ ذرائع کا کہنا ہے کہ تمام رکن ممالک کی تصدیق کے بعد باقاعدہ طور پر اعلان کردیا جائے گا‘ اس سلسلے میں بھارت سمیت تمام رکن ممالک کو دعوت نامے بھجوا دیئے گئے ہیں۔ اجلاس میں خطے میں کرکٹ کے فروغ کے حوالے سے تجاویز پر بھی تبادلہ خیال ہوگا، اہم ایونٹس کی منظوری بھی دیئے جانے کا امکان ہے۔ ایشین کرکٹ کونسل کے اجلاس کی صدارت اس وقت پاکستان کے پاس ہے اور حال ہی میں بورڈ سربراہ احسان مانی نے عہدہ سنبھالنے کے پعد پہلی بار اجلاس کو چیئر کیا تھا۔ ان سے پہلے سابق چیئرمین نجم سیٹھی یہ ذمہ داریاں نبھارہے تھے۔
٭٭٭٭٭