یورپین اوپن ٹینس ٹورنامنٹ میں سنسنی خیز مقابلے جاری

برسلز(امت نیوز) فرانس کے نامور ٹینس سٹار رچرڈ گیسکٹ اور جرمنی کے جان سٹروف فتوحات برقرار رکھتے ہوئے یورپین اوپن ٹینس ٹورنامنٹ مینز سنگلز کوارٹر فائنلز میں پہنچ گئے۔ جمعرات کو بیلجیئم میں جاری ایونٹ میں کھیلے گئے مینز سنگلز پری کوارٹر فائنل میچز میں فرانسیسی نامور ٹینس سٹار رچرڈ گیسکٹ نے عمدہ کھیل پیش کرتے ہوئے جمہوریہ چیک کے جیری ویسلے کو سخت مقابلے کے بعد 6-3، 4-6 اور 6-3 سے ہرا کر کوارٹر فائنل میں جگہ بنائی۔