دی آرکیڈ اسکول پریمیئر لیگ فلڈ لائٹ کرکٹ ٹورنامنٹ کا افتتاح

کراچی (بزنس رپورٹر) صوبائی وزیر ورکس اینڈ سروسز سید ناصر حسین شاہ نے دی آرکیڈ اسکول پریمیئر لیگ فلڈ لائٹ کرکٹ ٹورنامنٹ کا افتتاح کیا۔ اصغر علی شاہ اسٹیڈیم میں ٹورنامنٹ کی صدارت میڈی کیم گروپ کے ڈائریکٹر ظفر ریاض باری نے کی۔ ٹورنامنٹ میں5ٹیمیں حصہ لے رہی ہیں۔ جاوید اختر کیانی، عاصم علی اور آرگنائزر صمد بھی موجود تھے۔ افتتاحی میچ میں امریکن ڈورز نے ڈی ایس اے سی سی کو ہرا کر 19رنز سے جیت لیا۔ اسامہ ایوب نے3 کھلاڑیوں کو آئوٹ کیا اور مین آف دی میچ قرار پائے۔ مہمان خصوصی نے میڈی کیم گروپ اور دی آرکیڈ اسکول کو مبارکباد پیش کی اور امید ظاہر کی کہ کھلاڑیوں کی فلاح و بہبود کیلئے آئندہ بھی ایسے ٹورنامنٹ منعقد کئے جاتے رہیں گے۔