متحدہ لندن کا بھتہ خور۔کالعدم تنظیم کا دہشت گرد پکڑا گیا

کراچی(اسٹاف رپورٹر)سی ٹی ڈی پولیس نے متحدہ لندن کے بھتہ خور اور کالعدم تنظیم کے دہشت گرد کو گرفتار کرکے اسلحہ برآمد کرلیا۔سی ٹی ڈی انچارج مظہر مشوانی نے بتایا کہ سی ٹی ڈی نے خفیہ اطلاع پر رضویہ کے علاقے میں کارروائی کرکے بھتہ خور ساجد علی عرف کنور آصف لالا کو گرفتار کر کے اسلحہ برآمد کرلیا۔ملزم کا تعلق متحدہ لندن سے ہے اور اس کے خلاف رضویہ میں دیگر مقدمات بھی درج ہیں۔سی ٹی ڈی انچارج جنید شیخ کے مطابق سی ٹی ڈی کی ٹیم نے کورنگی سے 3 ملزموں تیمور، صلاح الدین اور غالب کو گرفتار کرلیا۔ملزم غالب ٹی ٹی پی کا دہشت گرد ہے ۔