بنگلے میں گھسنے والے ڈاکو پولیس محاصرہ توڑ کر فرار

کراچی (اسٹاف رپورٹر ) بنگلےمیں گھسنے والےڈاکو پولیس کا گھیرا توڑ کر فرار ہو گئے ۔تفصیلات کے مطابق نارتھ ناظم آباد بلاک آئی میں4ڈاکوؤں بنگلے میں گھس کر اہل خانہ کو یر غمال بنا کر لوٹ مار شروع کردی ۔اسی دوران مددگار 15 کو اطلاع مل گئی جس پر پولیس نے بنگلے کا گھیراؤ کرلیا اور ملزمان کو گرفتار کرنے کی کوشش کی تاہم ملزمان نے پولیس پر اندھا دھند فائرنگ کر دی اور فرار ہو گئے ،پولیس کے مطابق فائرنگ کے تبادلے میں ایک ڈاکو زخمی بھی ہوا ہے تاہم ملزمان اسے بھی ساتھ لے گئے اور ایک شہری کی گاڑی بھی چھین لی جس پر ملزمان کا تعاقب کیا گیا اور نیو ٹاؤن کے قریب انہیں پکڑنے کی کوشش کی تاہم وہ فرار ہو گئے جبکہ چھینی ہو ئی گاڑی چھوڑ گئے جسے تحویل میں لے لیا بعد ازاں گاڑی مالک کے حوالے کردی گئی ۔