بنگلہ دیش اور زمبابوے آج آمنے سامنے

ڈھاکہ(امت نیوز) بنگلہ دیش اور زمبابوے کی کرکٹ ٹیموں کے درمیان پہلا ایک روزہ بین الاقوامی میچ (آج) اتوار کو ڈھاکہ میں کھیلا جائیگا۔ زمبابوین ٹیم دورہ جنوبی افریقہ میں بدترین شکست کے بعد اب بنگلہ دیش کے دورہ پر ہے جہاں اس کو میزبان ٹیم کے خلاف شیڈول ون ڈے اور ٹیسٹ سیریز جیتنے کا چیلنج درپیش ہے۔ زمبابوین ٹیم دورے کے دوران میزبان ٹیم کے خلاف تین ون ڈے اور دو ٹیسٹ میچوں کی سیریز کھیلے گی۔ دونوں ٹیموں کے درمیان ون ڈے سیریز کا آغاز (آج) اتوار سے ہو رہا ہے جبکہ دونوں ٹیموں کے درمیان دوسرا ون ڈے 24 اکتوبر، تیسرا اور آخری ون ڈے 26 اکتوبر کو کھیلا جائے گا۔