شہباز شریف کی اہلخانہ سے 1 گھنٹے ملاقات

لاہور(مانیٹرنگ ڈیسک)اپوزیشن لیڈر اور سابق وزیراعلیٰ پنجاب شہبازشریف کی اہل خانہ سے ملاقات ہوئی۔ لاہورنیب آفس میں 1گھنٹے تک جاری رہنے والی اس ملاقات میں اہلیہ نصرت شہباز، حمزہ شہباز، سلمان شہباز ، دونوں بیٹے کی اہلیہ،نواسیاں ،بیٹی اور عباس شریف کے دونوں صاحبزادوں بھی موجود تھے ۔ذرائع کے مطابق شہبازشریف سے اہل خانہ سے ملاقات ایک گھنٹے تک جاری رہی ،اپوزیشن لیڈر نے کہا کہ آپ کوفخرہونا چاہیے مجھ پر کرپشن کاکوئی الزام ثابت نہیں کیاجا سکا۔شہبازشریف نے یہ بھی کہا کہ کڑا اورکٹھن وقت ضرور ہے،لیکن مشرف دور سےزیادہ مشکل نہیں ہے،آپ سب کوگھبرانےکی ضرورت نہیں۔ذرائع کے مطابق اہلخانہ نے انہیں عشائیے میں دال چاول ،باربی کیو اور کھیر پیش کی ،شہبازشریف نے کھانے کے 2 باکس زیر حراست دیگر افراد کےلئے بھیجوادیے۔