قومی فٹ سال چمپئن شپ کیلئے اسلام آباد ٹیم کا اعلان آج کیا جائیگا

اسلام آباد (امت نیوز)قومی فٹ سال چمپئن شپ کیلئے 12 رکنی اسلام آباد فٹ سال ٹیم کا اعلان (آج) بدھ کوکیا جائے گا۔ اسلام آباد فٹ سال ایسوسی ایشن کے سیکرٹری عدنان سمیع نے بتایا کہ قومی فٹ سال چمپئن شپ کی تیاری کے سلسلہ میں کھلاڑیوں کا تربیتی کیمپ پاکستان سپورٹس کمپلیکس اسلام آباد میں جاری ہے جس میں وفاقی دارالحکومت کے 40 کھلاڑی حصہ لے رہے ہیں۔ کھلاڑیوں کو کوچ طارق یونس تربیت دے رہے ہیں۔ انہوں نے کہا کہ کھلاڑیوں کا انتخاب میرٹ کی بنیاد پر کیا جائے گا اور منتخب ٹیم 26 اکتوبر سے کھیلی جانے والی قومی فٹ سال چمپئن شپ میں شرکت کرے گی۔