وزیراعلیٰ پنجاب کے آبائی علاقے میں بجلی ٹرانسمیشن لائن بچھادی گئی

لاہور-ڈیرہ غازی خان(امت نیوز)وزیراعلیٰ پنجاب کے آبائی علاقے میں بجلی کی ٹرانسمیشن لائن بچھا دی گئی ۔قیام پاکستان کے بعد پہلی بارڈیرہ غازی خان کے قبائلی علاقے بارتھی میں بجلی کے کھمبے لگائے گئے ہیں۔ ڈی جی خان کے قبائلی علاقہ جات کی آبادی ڈھائی لاکھ افراد پرمشتمل ہے جہاں ڈیڑھ ماہ کے دوران 45 کلومیٹر طویل ٹرانسمیشن لائن بچھا ئی گئی ہے ۔ بجلی کے 296 کھمبے، ٹرانسفارمر اور تاریں لگادی گئی ہیں جبکہ وزیراعلیٰ عثمان بزدار ممکنہ طور پر نومبر کے پہلے ہفتے میں اس پراجیکٹ کا افتتاح کریں گے۔