کوئٹہ میں اسکول پر فائرنگ سے 4 طلبہ زخمی

کوئٹہ (مانیٹرنگ ڈیسک ) کوئٹہ میں ایک نجی اسکول پر فائرنگ سے 4 طلبہ زخمی ہوگئے۔وزیر اعلیٰ بلوچستان نے واقعےکا نوٹس لے لیاہے۔ واقعہ نواحی علاقے کلی شابو میں پیش آیا، جہاں دانش کدہ نامی نجی اسکول کے گیٹ پر موٹرسائیکل سوار حملہ آوروں نے فائرنگ کردی، جس کے نتیجے میں 3 طالب علم اور ایک طالبہ زخمی ہوگئی، جن کی عمریں 9سے 12سال کے درمیان ہیں۔ زخمی طلبہ کو اسپتال منتقل کردیا گیا، جہاں ان کی حالت خطرے سے باہر ہے۔وزیر اعلی جام کمال نے واقعے کا نوٹس لیتے ہوئے ملزمان کی فوری گرفتاری کا حکم دیا ہے۔ پولیس نے ملزمان کی تلاش کیلئے سرچ آپریشن شروع کردیا ہے۔