آئی سی سی چیمپئن شپ میں پاکستانی خواتین کرکٹ ٹیم کو آسٹریلیا کے ہاتھوں شکست

کوالالمپور (امت نیوز) آئی سی سی ویمن کرکٹ چیمپئن شپ میں سوفی مولینکس کی شاندار بائولنگ کی بدولت آسٹریلیا نے پاکستان کو پہلے ٹی ٹونٹی بین الاقوامی کرکٹ میچ میں 64 رنز سے ہرا کر تین میچوں کی سیریز میں 1-0 کی برتری حاصل کرلی۔ پاکستانی ٹیم 196 رنز کے ہدف کے تعاقب میں 131 رنز پر ڈھیر ہو گئی، ناہیدہ خان کے علاوہ کوئی بھی کھلاڑی متاثرکن کارکردگی کا مظاہرہ نہ کر سکی۔