قومی جونیئر ویمنز سوئمنگ چیمپئن شپ 30اکتوبر سے شروع ہوگی

اسلام آباد (امت نیوز) پاکستان سوئمنگ فیڈریشن کے زیر اہتمام قومی جونیئر ویمنز سوئمنگ چیمپئن شپ 30 اکتوبر سے پاکستان اسپورٹس کمپلیکس اسلام آباد میں شروع ہوگی۔ اسلام آباد سوئمنگ ایسوسی ایشن (خواتین ونگ) کی جنرل سیکرٹری روبینہ صدیق نے سرکاری خبر رساں ادارے کو انٹرویو میں بتایا کہ چیمپئن شپ میں ملک بھر سے چھ ٹیموں کی خواتین کھلاڑی حصہ لے رہی ہیں، جن میں پاکستان واپڈا، پاکستان آرمی، پاکستان نیوی، پنجاب، سندھ اور اسلام آباد شامل ہیں۔ روبینہ صدیق نے کہا کہ چیمپئن شپ سے خواتین کی صلاحیتیوں میں اضافہ ہوگا۔