گینگ وار کا سہولت کار برطرف سی ٹی ڈی افسر گرفتار

کراچی(اسٹاف رپورٹر) ملیر سے لیاری گینگ وار کارندوں کے سہولت کار برطرف سی ٹی ڈی افسر کو گرفتار کرلیا گیا ۔رینجرز اور سی ٹی ڈی نے مشترکہ کارروائی میں ملزم ظہیر احمد عرف گل سے اسلحہ ،منشیات اور غیر ملکی برآمد کرلی۔ترجمان کے مطابق گرفتار ملزم کو 2016 میں اغوابرائے تاوان میں ملوث ہو نے پر ملازمت سے بر طرف کیا گیا تھا ،جس کی ایف آئی آر سی ٹی ڈی میں بھی درج ہے،ملزم برطرفی کے بعد بھی لیاری گینگ وار کے کارندوں اور سہیل ڈاڈا گروپ کو اسلحہ فراہم کرتا رہا ہے۔وہ منشیات فروشوں اور لینڈ گریبرز کی معاونت سے گینگ وار کی فنڈنگ کے لیے کام کرتا رہا ہے، ملزم بر طرفی کے باوجود لوگوں کوجعلی طریقے سے گرفتارکر نے اوررشوت لے کر چھوڑ نے میں ملوث ہے۔ترجمان نے بتایا کہ ملزم کے قبضے سے غیر قانونی کلاشنکوف، 222رائفل ، 12بور رائفل، 32بور پسٹل، ایک عدد ہینڈ گرینیڈ ،بھاری مقدار میں ایمونیشن ، 27کلو گرام بارودی مواد، 2کلو چرس اور مختلف ممالک کی کرنسی جس میں یو ایس اور ہانگ کانگ ڈالر،اومانی،ایرانی اور سعودی ریال، بھارتی ، افغانی اور ملائیشین کرنسی برآمد کرلی ہے ، جبکہ ملز م کو مزید قانونی کارروائی کے لیے سی ٹی ڈی کے حوالے کر دیا ہے۔