شادی ہال میں باسی کھانا کھانے سے 12 افراد بیہوش

کراچی (اسٹاف رپورٹر)فیڈرل بی ایریا کے شادی ہال میں باسی کھانا کھانے سے 10خواتین سمیت 12افراد بے ہوش ہوگئے ۔تفصیلات کے مطابق فیڈرل بی ایریا واٹر پمپ چورنگی سے متصل شادی ہال میں کھانا کھاتے ہی متعدد افراد کی حالت غیر ہو گئی اوروہ بے ہوش ہو نے لگے ۔ امدادی ٹیم نے تمام متاثرین کو جناح اسپتال منتقل کیا ۔پولیس کے مطابق متاثرین میں17 سالہ حسنین ،20سالہ ہانی ،30سالہ کنول ،25سالہ نوشین،45سالہ صدیقہ ،25سالہ سدرہ ،50سالہ حسینہ ،45سالہ شمیم ،10سالہ معظمہ ،45سالہ عبدالرزاق،52سالہ زرینہ ،65سالہ زینب شامل ہیں۔ تمام افراد پی آئی بی کالونی کے رہائشی ہیں جنہیں طبی امداد کے بعد گھر بھیج دیا گیا ۔