داخلہ ٹیسٹ کا کوئی پرچہ آؤٹ نہیں ہوا- نیشنل ٹیسٹنگ سروس

کراچی (بزنس رپورٹر) نیشنل ٹیسٹنگ سروس نے گزشتہ روز یونیورسٹیز اور کالجز میں داخلے کیلئے ہونیوالے ٹیسٹ کے دوران پرچہ آئوٹ ہونے کی تردید کی ہے۔ این بی ایس کے مطابق نجی نیوز چینلز نے ایک خبر چلائی، جس سے یہ تاثر دیا گیا کہ این ٹی ایس کا ٹیسٹ کے دوران پیپر آئوٹ ہوگیا ہے، جبکہ دکھائے جانے والے مواد (پیپر) کا کسی بھی طرح مذکورہ ٹیسٹ سے کوئی تعلق نہیں تھا۔ مینجمنٹ کے مطابق یہ ایک منظم سازش ہے، جس میں بدقسمتی سے کچھ نجی چینلز کو استعمال کیا گیا۔